Monday, August 19, 2013

اسمي مصري

انا كل يوم في وادي و الناس تهاتي في واد
شايل سلاحي على كتفي اسمي انا عواد
و لا يوم كنت انا مقهور او حتى كنت جماد
ما اصلي من يومي مصري و المصريين شداد

في كل يوم تخوين و كلام مالوش داعي
بصرخ بعلو الصوت رافع لفوق دراعي
شايل راية بلادي و الاسم انا رامي
لحدود بلادي هصون و دايما هكون راعي

محلى الوطن تمشي و تحس بترابه
محلى الوطن روحي فدا أحبابه
و علي صوتك رجع للوطن أمجاده
اسمي اسلام و حياتي هي سلامه

و انا أسمي سامي مصري و دمي حامي
مسلم مسيحي ما تفرقش أصل الوطن غالي
و في جيش بلادي بخدم أنا وسط اصحابي
و الروح تهون  لأجل الوطن يدوم عالي

No comments:

Post a Comment